Jeżlë kòmùs sã jesz nie znudzëło mòje ùtwórstwò- rôczã na:
szadi.kaszubia.com
Tu je mój nowi blog, dze nalezc mòże mòje wiérztë ë nie leno. Òd terô mdã pisôł na tamtim blogù temù rôczã na wëżi pòdóną adresã baro serdeczno.
skomentuj (2)
Wkół pôlca lëft mie sã òwinął
I lëst przenëkôł w mòjã głowã
A jô dërch spôł niestrudzonym spikã
Bë mëslë z realnotë wëczëszczëc
A zbùdzëc sã w swiece
Surrealistnégò lasu
Nieskażonégò pòwôżnym mëslënim
Wkół pôlca lëft mie sã òwinął
logicznégò mëslëniô zabarnił
wôrtnotë pòprzestawiôł
naùcził pic z gwińta czëstą
wòdã
i jakùż to je
nicht lëftu nie widzôł
A równak òn je
skomentuj (2)
Imagine
there's no heaven,
It's easy if you try,
No hell below us,
Above us only sky,
Imagine all the people
living for today...
Imagine there's no countries,
It isn’t hard to do,
Nothing to kill or die for,
No religion too,
Imagine all the people
living life in peace...
Imagine no possesions,
I wonder if you can,
No need for greed or hunger,
A brotherhood of man,
imagine all the people
Sharing all the world...
You may say Im a dreamer,
but Im not the only one,
I hope some day you'll join us,
And the world will live as one.
Pòmeslë
Ni ma nieba
To lëtkò, spróbùjże
Żódnégò piekła
Nad nama przestwòrza
Pòmeslë: wszëtce lëdze
Żëją dzysôdniã...
Pòmeslë ni ma państwów
To nie je tak drãgò
Nie zabijesz i nie zdżiniesz
Za religiã, nié
Pòmësle: wszëtcë lëdze
Żëją w mirze wcyg
Mëszle: bez własnosców
Czekaw’ czë të mòżesz
Bez chcywstwa ë bez głodu
Bratobójstwa lëdzy
Pòmësle całé lëdztwò
Dzeli całi swiat
Mòżesz rzec, że to snienia
Ale nie blós jô je móm
Jednégò dnia pòj do nas
Swiat mdze żëł jakno jedniô
skomentuj (0)
*** 2009-02-13 18:07:57
móm ju dosc
krótczich
chùtczich
kùrsów
swiąda sztôłtëje sã
przez lata
jô chcã bëc dzélã
swiądë
wiérzt ùkôzôł sã w Zsziwkù 7
skomentuj (0)
Kritika 2009-02-07 15:46:45
Jô nie wiém sóm
Do czegò sã kriticzno òdniesc
szkalowac, że na smãtôrzu
żëcé fùl gãbą tuńcëje
czë òbùrzony bëc
że dërch gùbimë sã
i wëglãcowóné bótë
noszimë do chléwa
skomentuj (3)
Rënk 2009-01-18 11:53:19
W głowie szëmią mëslë dzëczé
Hossa
Bessa
sprzedôj kùpi!
snienia- sprzedóné
planë - priza spôdô
juwernota- słabô promòcjô
jô sóm- je leżnota!
Sprzedowóm
Zwónk nie zwòni
Rénkù nie zasztekóm
Jem sebie sprzedôł
I ni móm dëtków
Bò jô jich ni móm
Òne mają mie
skomentuj (5)
400 lat 2009-01-01 22:58:41
I trzecy dolmaczënk Boba. Kòżdi w jinszi rasta-farwie. Bless ya!
400 lat 400 lat ùoooo-o
Ë mómë to samò – filozofia
Móm rzekłé 400 lat
400 lat 400 lat ùooo-o
Jak długò
A lëdzëska (ùooo) dërch nie widzą
Zaczim biôtkòwelë z môłim dzysdnia
Bez nëch môłich òni bë
wszëtce zdżinãlë
Pòj ju zróbmë to (zróbmë to zróbmë to ùooo-o)
Jô ju widzã cząd- nadeszedł cząd
Czej głëpcë nie widzą
(nie widzą nie widzą ùooo-o)
Nie zbroniã môłich
Môłi mdze ùoo-o corôz mòcniészi
Tej leno zgòdzë sã
Zabiorã cë w krôjnã naji wòlnotë
Gdze mòżna żëc, mòże belno żëc
Bëc wòlnym
Tak długò 400 lat, 400 lat ùooo-o
Za długò!
Prawie temù lëdzëska ùoooo-o mòji lëdze nie zdrzą
Jo, to 400 jaż lat (400 lat 400 lat)
Wez cerplëwòsc ùooo-o zôs filozofia
Bëło 400 lat 400 lat
Kùli? 400 dłudżich lat
skomentuj (4)
Pòstãpny dolmaczënk reggae-proroka. Tim razã je to Sun is shining - Słuńce swiecy. W niechtërnëch wersjach Boba Marleya mògą bëc różnice w słowach, ale to ju kòsmeticzné sprawë. Tak tej Wëzwòleniô!
Słuńce swiecy, to wiodro je miodné
tak tej ju rëszôsz tuńcejącym krokã
do wëzwòleniô
Jô jem tu
Czej chcesz to wiedzec – żdajã tu
Czej pòrénkZabiérô tãgã
Czej të chcesz wiedzec
Jô jem tãgą téż
Wezwòlenié!
Tu jô jem
Czej chcesz wiedzec
Pòniedzôłk reno – jô jem tu
We wtórk wieczór-żle blós chcesz
Strzoda reno
Rzeczë, że wstôł nowi dzéń
Co kùńczi sa w czwiôrtk na wzénik
Reno w piątk- jô mdã tu
W sobòtã wieczór – żle të blós chcesz
Spùscmë głowë ë módlmë sã do Pana jesz rôz – wezwòlenié!
Skùńczë spik i drzemkã
Mòże ju ten dzéń mdze nym szczestlewim
Bò doch nama słuńce swiecy i wiodro je miodné
skomentuj (0)
Jegò dësza
Pòza całã sã szlajô
Ùcekô do krajinë wiatrów
I Strzibògòwi sã pòddôwô
Dolëznë chùtkò przemiérzô
I wszëtczé drzewiãta zybô
I z warnama do stołu
Na sëchim drzewie sôdô
I nëkô nad drogą
I na pòlanie stôwô
Do ògnia so sôdô
Zpòdobnyma ji dëszama
I redosno sã krący
I rozpłiwô sã w dôce
skomentuj (2)
Mój pierszi dolmaczënk Boba Marleya. Perznã mòże mie nie weszedł, ale wiedno mòżna pòspiéwac ;] Dzywny nen tekst, ale kò jô gò nie pisôł...
Tuwò dzecë płaczą
Le jô wiém, że nie na darmôk
Czasë sã zmieniają
Miłota rozkwitô zôs
Pôchnący lëft, czej zymk jidze w kroplach
Przebôcziwô dôwné dnie
Le terô nie je deszcz, krople wòdë są, to
Mòklëzna z łesënë
Substancëjô gnôtów
Mùszimë trzimac żëcé, pòżiczony cząd
Hallelujah cząd!
Jo, Të mòżesz czec spiéw dzecy: Hallelujah cząd!
Czej ne spiéwają dërch ë wcyg: Hallelujah cząd!
O, hallelujah spiéwią ò pòrenkù
Hallelujah cząd! Pòzwól spiéwac, nie płakac.
Za kamizną, górą
Òwca rozbiégô sã wszãdze wkół
Za górą, dolëzną
Wszãdze tam mòżna je nalezc
Le më niesemë cãżôr nasz
Wszëtczé cerpienia jakòs miną
Zybniãcé mérka zrëszi wnet płeg
Dôcz nie chcesz pòzwòlic żëc nama w harmónie?
Chcemë bëc wòlny jak ptôchë na wietwi
Hallelujah cząd! Jo, mòżesz czec spiéwiącé dzecë
Hallelujah cząd! Jo, jak òne spiéwają dërch ë wcyg
Hallelujah cząd! O hallelujah spiéwiã ò pòrenkù
Pòzwól spiéwac, nigdë płakac
Hallelujah cząd! spiéwiã ò pòrenkù
skomentuj (3)
Żebë 2008-12-16 22:49:08
Żebë zadzewòwanié ju wiedno bëło prôwdzewé
I zôpôch cechégò kòrzenia
cekawszi béł
òd prakticznégò brzadu
Żebë ùsmiech béł mileczny
i nicht do niegò nie zmùszôł
I żebë lëdzë nie webieralë
midze dzecną cekawòscą
a programòwą fòbią
skomentuj (2)
Jesh nie yistneejar
Dopeerje sar narodsar
taesouts razzae
v yednym chassu
Narodzar sar
zz prochwhu
Rjebae kwhu reshtse
Tsesnar'le mye na viater sehi
Y rjebae mwheye taesouts tsał
nie zawhuwarjonaeh wleectsawho w zemyar
zbwhudowawho camisnar
Leno pwhe to, bae maech mioew dse rosts
i tedae nitsc mye nie ssnishchi
Tedae kwherjdou bioetkar vaegroom
Proewda wiedno mdse pwhe mwheyi starnye
Jô jem heretikã, co łómie wszelejaczé prawidła òrtograficzé i pisze kaléczoną anielszczezną kaszëbsczé werazë :D Jakbë chto nie wiedzôł, to je ten sóm wiérzt, co pòniżi, le pisóny jinszą òrtografią
skomentuj (2)
Jesz nie jistniejã
Dopiérze sã narodzã
tësąc razë
w jednym czasu
Narodzã sã
z prochù
Żebë kù reszce
Cesnãle mie na wiater sechi
I żebë mòje tësąc cał
niezaùważonëch wlécało w zemiã
zbùdowało kamiznã
Leno pò to, bë mëch miôł dze rosc
i tedë nick mie nie zniszczi
Tedë kòżdą biôtkã wegróm
Prôwda wiedno mdze pò mòji starnie
skomentuj (3)
Chto to zrozmieje (to je pò kaszëbskù)?
1.Yoe yeem poewniee
2.When yea whebarhniawee
3.Ewhe ye mooy showertelefoon
4.Whenna yea Cushebcou
5.Booten padoe snieec
skomentuj (2)
Czëc szept Strzibòga w kòminkù
Wpùscyc gò do domù
Òblekłégò w lëstë
I grzôc sã procëm niemù
I jesc brzôd
Na seché wietwie wzérające
Co jak sztrëchùlcë
Szronã pòkreté
I nie jiscec sã Marzanną
Tegò szëkôsz?
Prôwda?
Tej nie grzebi w òdjimkach
Le słëchôj bluesa
Wòlnégò wiatru
* Strzibóg- słowióńsczi bóg wiatru
skomentuj (0)
******* 2008-10-21 21:51:03
mutsmstuPòjsnynsnm
Pòchwecë dëszë mòji rãkã
bbbwwwwRãką twòji dëszëfffffffbbb
++++++++Ë pòlecma dalek========
rghm,ym qaneqbcnuyjWesok, jaż do gwiôzdbteqbtbqeavefvrvbrb
vrwvbbbWezmë ze sobą kùronabb+ bqebebe
beabfbegabCo mdze piôł ò Zemigbbbbbjnjs
GbhthytqhdfgbqthbdfbMòkri Matcë ò pòrénkùvwVGBëTFB
bebebfbadsbfdbaI miodnoscë przeszłégò swiatabbebgbberb
eabrbeabbrebI parpac pòchwecma zelónąvreavbebeb
rbaenytkmukMòże na ksãżecu pùscy kwiôt...beabfeabe
[[[[]]]]]]Z tim lecmë{{{}}}}
344444Wiornijmë stądk099999
dsacqereqW gwiôzdach ùsôdzmë nasz gard4t421t
beaebdfabebfdI czej strëmienie weschną wszëtczénsrnanran
baebaefbGórë zôpadłé mdąbraefvgebn
6722575I czej Drzewò Żëcô spôli sã46276
6735367Dëchë ùcekną ju...763567
bedrbfdbeMë we wiecznech ògniachbgfsbgbegb
bfeadfbfdbNalézemë swój môlbefbdfber
fdbffebqaNa zemnych wiatrachdbbeabvd
????????I z prôwd ze skrzidła mòtila????????
/////Złożónëch\
grqebfÙsmiejemë sãnfnfsvb dgab
Ale jem zrobił bałagan z leterama! A w tëch wierztach, jak zwëkło móm motiwë słowióńsczé...
skomentuj (1)
Lëdzë 2008-10-16 18:42:37
Jegò sobòwtór
Co żëje w trzech swiatach
Znaje tak môłô lëdzy
A ju na szterë zôrtë jich dzeli
Ne tëch, co sã smieją z wszëtczich
Bò bëc wszëtczima ni mògą
Na tëch, co wcyg gôdają
Cos plestają ò dzejanim
Ne tëch, co gôdają
Że trzeba przestac plestac
A zacząc dzejac
Ë na tëch, co robią
Za szterech
To sã naziwô spòdlecznosc
Wzorowô
***
Tëch òstatnych blós
Kritikùją
Bò kritikùje sã dzejanié
A nié bezrësznotã
skomentuj (1)
Wieczór 2008-10-11 22:22:41
I sedzy zôs na zeslu
Ten, co dzysô biôtkòwôł
Ò nastãpny pòrénk ë słuńce
Cechim òddichã
Przebôcziwô dobri Zemi
Że jã w pôłnim szarpôł
Wdzãczny za to wszëtkò
Pije arbatã ò szmakù arbatë
W szklónce ze szkła
Jo
Gwësny gwës
To béł dobri dzéń
Chòc jesz nie nalôzł òn
Egzistencjalnégò cwëkù
skomentuj (6)
Tak jem ten wierzt napisół blós dlô se (taczi ze mie samòlub), ale òd czilu dni cos mie greze, żbë gò na blogù zamieszczec. Miast badac, ceż to taczégò mie greze wòlã ju gò zapisac i miec pòkù:) Ni wiém, co to za dzewné ùdbë mie ju do głowë przechôdają...:]
To cepło
To môłé cepełkò
Mòcné
Z Twòjégò bëna
Szczerégò bëna
Niezakłamónégò
Co to nie zakriwô sã
Płachtą farwnëch smarów
Ta môłô jiskierka
Cepło daje na skórze
Że jaż całi swiat
Lód
Zakriwô
Z Twòjégò bëna krzik pòdnosy
Niegasnący wid
Ë rozwidniô
Të farwë rozczapóné
W chternë przóde jem nie wierzëł
Terô blós
W Twòjëch òczach zanurzec
Całi mój swiat
skomentuj (0)
Artista 2008-10-01 14:22:09
Dzysô jem widzôł artistã
To béł taczi artista....
Tam zarô artista
Chłop jeden
Co wszëtkò miôł
A równak nick ni miôł
Bò czej poszëł ò szklónkã wòdë
Dalë mù wãbórk worztë
skomentuj (5)
Wa, co jedzeta do naszi wiosczi
Mòżeta spôlic naszą swiątiniã
Bò i tak lëtac nie rozmiejeta
Złożmë hołd waszémù wòdzowi
Òn doch ni znaje jãzeka naszëch serców
Czim wicy wa krëwi naszi weléjeta
Tim barżi ùrosce pùstka waszô
Przeseńta ju tã greńcã
Przóde më i tak ji nie widzelë
Leno jedną móm prosbã
Pòzwólta nama wierzec
Że zemia je płaskô...
skomentuj (1)
Przestale ju stãkac
Jak stôri lëdzë
Zaczãle wrzeszczec
Jak môłé dzecë
skomentuj (0)
Të
Janiele ò mionie A
Të diôble!
Të mie kôzôł strzélac
Do janioła ò mionie E
F
G
H...
Të sóm z dakù do mie strzélôł
w nocë
ë wiész co?
Të nie trafił
Miôrka sã przebra
Diôble w biôłëch skrzidłach
Zelónëch òczach
Smiésznëch
dzewczãcëch
złotëch klatach
Të mie sóm tegò naùczeł
Skóra mòże bëc cwiardszo
Òde mi zaléży
Przez Cebie
Dzãka Tobie
Je ju za cwiardo
Ë rzeknã cë
sóm so strzél w serce
Òbôczë
Jakô to rëdota dlô mùskù
Czej serce krewawi ë bòli
Jakô to rëdota dlô serca
Czej zmesłë są pòmieszóné
skomentuj (5)
Jinwokacjô do niejistniejącégò arcydokôzu
W krajnie ptôszëch dëchów płonie òdżiń
Mòje gnôtë sã tlą, mùszã tam zawanożëc
(Piesnia szamańskô kòl 10 000 lat p.n.e)
Jaryło mòdroòczi
Z bùkietã złotëch kłosów
Ë të
Dzedzelejo w zelóną sekniã òblekłô
Z kwiôtama we włosach
Jak bë to bëło
Czejbë jô waju proszeł ò natchnienié?
Cze jô bë napisôł
Ò pierse Mòkòsze
W bùkòwé bómë òblekłi?
Abò ò tim
Jak nadżé
Òbdzarté z lëstów cało
Biôłim pùchã przeòblekô?
Wë jesce mòjima mùzama
Kòchankòwie, co na zymkù
Zemi do żëcégò chãc
Zwrôcôta
Chòc dalek òd Apolla mieszkôce
Skreti pòd sôrnią górą
Ò waszëch czënach
Piesniã ùkłôdają lasë
Ale nie chcã, żbë wë mie
Słowa, jak pùzle złożele
Bò w głowie mie sedzy swiat
Co nie znaje słów
Të Dzedzelejo
Rozgòni pòdmùchã miłotë swòji
Blónë wkół ksãżëca
Zôs
Të Jaryle
Swòjim kraftã dającym żëcé
Rozpôl płom na pòlanie
Tedë pùdzema tuńcowac
W widze ksãżeca
W widze ògnia
Òpiszã ten swiart
Nieznónym nikòmù jãzekã
Zbùdzemë razã Mòkòsz
W westrzódkù nocë
Zbùdzemë wszëtkò
Ale nie zmiescymë
Semargła w jednym wierzcë
Òddzãkòwaniô czas
Dzedzelejo ë të Jaryło
Ni mómë skrzidłów
Nie dolecã razã z wama
Do krajne ptôszëch dëchów
Ë nigdë nie òpiszã spikù
W jaczim gnôtë sã rëszałe
Czej mùsk òdpòcziwôł
Òdżiń ten ju nigdë nie zapłonie
Ksãżec spòzérô sëchò
Ë Chòrs zakriwô tarczã swòjã strzébrzną
Do jaczi ju wôłczi nie weją
skomentuj (0)
Harmóniô 2008-09-16 20:37:09
Harmóniô
Czemù nie żëjemë
W czësti harmónie?
Le wcyg biegómë
Nie wiedzącë, jak to je?
Bò czedes Pón Bóg
Zakłóceł harmóniã niebëtu
Chaòsã jistnieniô
Chcesz żëc w harmónie?
Zamień sã w kam
Jô chcã żëc
W Harmónijnym chaòse
W harmónie półharmónijny
Zemi
Chto cos z tegò zromieje, ten mô pò prôwdze mùsk apartny, jak jô ;))
skomentuj (3)
